Aktuell

ከእኛ ወዲያ ለእኛ

በሙኒክ የኢትዮጵያውያን ኮሙዩኒቲ ማህበር በሰሜኑ የሀገራችን ክፍል በተከፈተው ህግን የማስከበር ዘመቻ ሳቢያ ጉዳት ለደረሰባቸው ነዋሪዎችና የመከላከያ ሰራዊት የማቴሪያልና የገንዘብ ድጋፍ የማድረጉ ስራ በሀገር ውስጥና ከሀገር […]

ታሪክ ሰርቶ ማለፍ

በመስፍን ጳውሎስ  ውድ ኢትዮጵያውያንና ትውልደ ኢትዮጵያውያን የማክበር ሰላምታችንን እያቀረብን በምንኖርበት በጀርመን አገር በሙኒክ ከተማ ኗሪ የነበሩትና የሀገራችን የኢትዮጵያን ታሪክ ለኢትዮጵያውያንና ለሌሎች በአለም ዙሪያ ያሉ ሕዝቦች […]

ከሰው ማሣ አትጨድ!

ተዋናይ ፣ አዘጋጅ ፣ ገጣሚ እና አርቲስት ፣ የጣይቱ የባህል ማዕከል በዋሺንግተን ዲሲ መስራች አለም ፀሃይ ወዳጆ ከሰው ማሣ አትጨድ! ከሰው ማሳ አትጨድ …የንጥቂያ ከፍታ […]

የወንድማችን የአቶ ብሩክ ማሞ የመታሰቢያ ሃውልት ምርቃት

በሙኒክ ነዋሪ የነበረው ሀገር ወዳዱ ወንድማችን አቶ ብሩክ ማሞ ወደ ውድ ሀገሩ ወደ ኢትዮጵያ ሄዶ ባደረበት ድንገተኛ ህመም ከዚህ ዓለም መለየቱን አስመልክቶ ኮሚዩኒቲያችን አስተባባሪነት በኖቬምበር 14 ቀን 2020 እኤአ የፀሎትና የስንብት ስነስርዓት መደረጉ ይታወሳል ።

በዚህ ስነስርዓት ላይ ከወዳጅ ጓደኞቹ ጥያቄ በመነሳት  ለወንድማችን የአቶ ብሩክ ማሞ የመታሰቢያ ሀውልት ማሰሪያ ይሆን ዘንድ በኮሚዩኒቲያችን በኩል የተሰበሰበውን (2000.00Euro) 100.000 (አንድ መቶ ሺህ ብር) ለቤተሰቦቹ አስተላልፈን አነሆ የሀውልቱ ስራ ተጠናቆ ቤተሰቦቹ በተገኙበት የተመረቀ መሆኑን የምናሳውቃችሁ ላሳያችሁት ወገናዊ ትብብር ከልብ በማመስገን  ነው።

የወንድማችንን ነፍስ ይማር! 

ለቤተሰቦቹና ለወዳጅ ዘመዶቹ መፅናናትን ይስጥልን! 

በሙኒክ የኢትዮጵያውያን ኮሚዩኒቲ

ከእኛ ወዲያ ለእኛ

በሙኒክ የኢትዮጵያውያን ኮሙዩኒቲ ማህበር


በሰሜኑ የሀገራችን ክፍል በተከፈተው ህግን የማስከበር ዘመቻ ሳቢያ ጉዳት ለደረሰባቸው ነዋሪዎችና የመከላከያ ሰራዊት የማቴሪያልና የገንዘብ ድጋፍ የማድረጉ ስራ በሀገር ውስጥና ከሀገር ውጪ በሚኖሩ ሀገር ወዳድ ኢትዮጵያውያንና ትውልደ ኢትዮጵያውያን ከፍተኛ ርብርብ መደረጉንና እየተደረገ መሆኑን ይታወቃል ።


በዚሁ መሰረት በሙኒክና አካባቢው የሚኖሩ ኢትዮጵያውያንና ትውልደ ኢትዮጵያውያን በሙኒክ የኢትዮጵያውያን ኮሙዩኒቲ “ከእኛ ወዲያ ለእኛ ” በሚል መርህ ባደረገላቸው የድጋፍ ጥሪ መሰረት 4000.00 € ይህም ወደ የኢትዮጵያ ብር ሲመነዘር በግምት ወደ 192,000 ሺህ የኢትዮጵያ ብር መሰብሰቡንና ይህም ገንዘብ ለዚሁ ጉዳይ በኢትዮጵያ ወደ ተከፈተው የባንክ ሂሳብ በቀጥታ ገቢ የተደረገ መሆኑን የኮሚዩኒቲው የስራ አስኪያጅ ኮሚቴ በኮሚዩኒቲው የማህበራዊ መገናኛ መድረክ ላይ የገንዘብ ድጋፍ ያደረጉትን ወገኖችን ስምና የክፍያ መጠን ከያዘ ዝርዝር መረጃ ጋር ግልጽነት በሚንጸባረቅበት መልኩ በማቅረብ አሳውቋል።


ሀገራችን ኢትዮጵያን ከጥፋት ወገኖቻችን ከመከራ ይሰውርልን!
ሀገራችን ኢትዮጵያ ታፍራና ተከብራ ለዘለዓለም ትኑር!

ታሪክ ሰርቶ ማለፍ

በመስፍን ጳውሎስ 

ውድ ኢትዮጵያውያንና ትውልደ ኢትዮጵያውያን የማክበር ሰላምታችንን እያቀረብን በምንኖርበት በጀርመን አገር በሙኒክ ከተማ ኗሪ የነበሩትና የሀገራችን የኢትዮጵያን ታሪክ ለኢትዮጵያውያንና ለሌሎች በአለም ዙሪያ ያሉ ሕዝቦች የማስተዋወቅ ስራ ለብዙ አመታት ሲሰሩ የነበሩት አቶ ግርማ ፍስሃ ዕድሜያቸው ደርሶ ጡረታ ሲወጡ ቀሪ ዘመናቸውን በሚወዷት ሀገራቸው እንዲሆን በመወሰን ከውድ ቤተሰቦቻቸውና ዘመዶቻቸው ጋር ሲኖሩ ቆይተው በህመም ምክንያት ከዚህ አለም በሞት እስከተለዩበት ድረስ ለሀገራቸው ባላቸው አቅምና ችሎታ የሚቻላቸውን ሁሉ ሲያደርጉ በመቆየታቸው ታሪክ ሲዘክራቸው ይኖራል ።
አቶ ግርማ ፍስሐ ስላደረጉት የሀገርን ማስተዋወቅ ስራ በአንድ ወቅት ከታዋቂው የሸገር ሬዲዮ “ስንክሳር” የሚሰኝ ዝግጅት ላይ “የሙኒኩ ተንቀሳቃሽ ቤተመዘክር” በሚል ርዕስ የቀረበውን ዝግጅት ምናልባትም ከጥቂቶች በቀር  ብዙዎቻችን የማናውቀውን የወንድማችንን የአቶ ግርማ ፍስሀን ከፊል የህይወት ጉዞ፣ዝርዝር ሥራዎችና የሀገራችን ታሪክ እንድናውቅ ይረዳል ብለው ያመኑ ሀገር ወዳድ ወገኖች ከሰጡን አስተያየት በመነሳት እኛም በሀሳቡ ስላመንበት የወንድማችንን ህልፈት የ40ቀን መታሰቢያ በማድረግ በኮሚዩኒቲያችን ስም ልናካፍላችሁ ወደናልና ከዚህ ጽሁፍ በታች የተቀመጠውን የድምጽ ማጫወቻ  በመክፈት እንድትከታተሉት በማክበር ጋብዘናችኋል።

በዚህ አጋጣሚም አቶ ግርማ ፍስሀን በጀርመን አገር በሙኒክ ከተማ የሚኖሩ ኢትዮጵያውያን እንደ ነዋሪ ብዙዎች እንደሚያውቋቸው ግልፅ ነው። ነገር ግን ይህን ያህል ጠለቅ ብሎ ያደረጉትን እንቅስቃሴና ጥረት  ለሀገራቸው ያበረከቱትን አስተዋፅኦ የሚያውቁ ምን ያህሉ ናቸው? በእውነትስ ብዙዎች “አብረን እንኖር ነበር እንጂ ለካ አናውቃቸውም ነበር! ” ሳያሰኛቸው ይቀራል? ” ብለን የአቶ ግርማ ፍስሀን ታሪክ መነሻ በማድረግ ሰፋ አድርግን አይተን የሚቀጥለውን ጥያቄ ለአንባቢያን እናቀርባለን በዓለም ዙሪያ በሚኖሩ የኢትዮጵያውያን ኮሙዩኒቲዎች መሀከል የሚገኙ እንደ አቶ ግርማ ፍስሃ ያሉ ብዙ ቁምነገርን የሰሩ ልምድና ዕውቀቱ ያላቸው ወገኖችን አብሮ ከመኖር በዘለቀ ምን ያህል ጠለቅ ብለን እናውቃቸዋለን? ማንም ሰው ቀኑ ሲደርስ ያልፋልና ከማለፋቸው በፊትስ ታሪካቸውን፣ያደረጉትን ጥረትና የሰሩትን ስራ፣የፈፀሙትን ገድል እንዲያካፍሉን ዕድሉን እያመቻቸንላቸውስ ነው? ስንቶችስ ብዙ ነገር ሰርተው ታሪካቸው ሳይታወቅ ትውልድ ሳይማርበት እንደ ዘበት አልፈዋል?  የሚለውን ጥያቄ ይህ ጽሁፍ ለሚያነቡ ሁሉ በማቅረብ ውድ ኢትዮጵያውያን በያሉበት በግልም ሆነ በተደራጀ መልክ ለጉዳዩ ትኩረት በመስጠት ሊወያዩበትና ሊንቀሳቀሱበት ይገባል እንላለን።

በመጨረሻም ለጉዳዩ ትኩረት በመስጠት የአቶ የግርማ ፍስሃን የረጂም ዘመን ለሀገር የተደረገ ጥረት ወንድማችን በህይወት እያሉ ቃለመጠይቅ በማድረግ አቶ ግርማ ፍስሀ ከዚህ ዓለም በሞት ቢለዩም ታሪካቸው ለትውልድ ለማስተላለፍ ያስቻሉትን የሸገር ራዲዮ “ስንክሳር “ዝግጅት አዘጋጅ ጋዜጠኛ መኮንን ወ/አረጋይንና ባልደረባውን ወንጌላዊት ብርሃኑን እንደተቋምም የሸገር ሬዲዮ ጣቢያን በሙኒክ የኢትዮጵያውያን ኮሚዩኒቲ ስም ልናመሰግን እንወዳለን።
የወንድማችንን ነፍስ ይማር!
ለቤተሰቦቻቸው ፣ዘመድ ወዳጆቻቸው መፅናናትንና ጥንካሬን ይስጥልን!
መልካም የማድመጥ ጊዜ እንመኛለን ።

የአቶ ብሩክ ማሞ አጭር የሕይወት ታሪክ

2 Timothy 4:7-8 / 2ኛ ጢሞ 4 ፣ 7-8
Ich habe den guten Kampf gekämpft, den Lauf vollendet, den Glauben bewahrt; hinfort liegt für mich die Krone der Gerechtigkeit bereit;

መልካሙን ገድል ተጋድዬአለሁ፥ ሩጫውን ጨርሼአለሁ፥ ሃይማኖትን ጠብቄአለሁ፤ ወደ ፊት የጽድቅ አክሊል ተዘጋጅቶልኛል፥

I have fought the good fight, I have finished the race, I have kept the faith.

Henceforth there is laid up for me the crown of righteousness, which the Lord, the righteous judge, will award to me on that day

በወ/ሮ እናኑ ጌታሁን የቀረበ

ወንድማችን አቶ ብሩክ ማሞ ወይም በክርስትና ስሙ ተክለ አረጋዊ ሰኔ 6 ቀን 1955 ዓ.ም በአዲስ አበባ ከተማ ተወለደ። በአዲስ አበባ ቢወለድም የወጣትነት እድሜዉንና ትምህርቱን የተከታትለው በቀደሞ ስሙ በጅባትና ሜጫ አውራጃ በአምቦ ክተማ ነዉ።

እንደማንኛውም ህጻን በዚያን ዘመን በቄስ ት/ቤ ፊደል ቆጥሮ የአንደኛ ደረጃ ትምህርቱን በአምቦ ት/ቤት በጥሩ ሁኔታ ስላጠናቀቀ፣ የ2ተኛ ደረጃ ትምህርቱን በአዲሰ አበባ ጄኔራል ዊንጌት አዳሪ ት/ቤት ለመማር እድል አገኝቶ ለ4 ዓመታት ትምህርቱን ተከታትሏል። በጥሩ ውጤትም አጠናቋል።  

» Weiterlesen

ከሰው ማሣ አትጨድ!

ተዋናይ ፣ አዘጋጅ ፣ ገጣሚ እና አርቲስት ፣
የጣይቱ የባህል ማዕከል በዋሺንግተን ዲሲ መስራች
አለም ፀሃይ ወዳጆ

ከሰው ማሣ አትጨድ!

ከሰው ማሳ አትጨድ …የንጥቂያ ከፍታ መሬት ታውላለች፤
እያንዳንዷ ውጤት …እያንዳንዷ ፍሬ ዋጋ አስከፍላለች፡
ጥረህ ግረህ ብላ …እንደ መፅሐፉ ቃል፡
ዛሬም ባይሆን ነገ የሰው ወዙ ያንቃል፤
አፈሩን ጎልጉሎ … ቆፍሮ አረስርሶ፡
ዘርቶ ተንከባክቦ ….ከእንቅልፉ ቀንሶ፤
ለዝናብ አንጋጦ ….ፀሐይን ተማልዶ፡
መዳፉን አሻክሮ …ልምዱን አዋሕዶ፤
በውኑም በእንቅልፉም ፡ሲያስብ ከርሞበታል፡
ፍሬው እስኪያፈራ ፡ ሥቃይ ቆጥሮበታል፤
ከሰው ማሳ አትጨድ ! …
በጨለማ ተገን ፤ እንዳይቀጨው አውሬ፡
እንዳያዳባየው ፡ ረግጦ ተራምዶበት
ግድ አይሰጠው ጥሬ …
አጥሮ ጠብቆት ነው ውጤት ሆኖ አብቦ ይህ ያየኸው ዛሬ፤
እያንዳንዷ ውጤት …እያንዳንዷ ፍሬ ዋጋ አስከፍላለች፡
ከሰው ማሳ አትጨድ …የንጥቂያ ከፍታ መሬት ታውላለች፤
ጥረህ ግረህ ብላ …እንደ መፅሃፉ ቃል፡
ዛሬም ባይሆን ነገ …. የሰው ወዙ ያንቃል፤
በግንባር ፡ በላብህ በጉልበትህ ጥረት ፡
በራስህ ተመንደግ በድካምህ ውጤት
ከሰው ማሣ አትጨድ…
ዝም ብሎ አላፈራም እንዲያው እንደዘበት … ዘለህ አትፈሰው…
ንቀህ ወይ ዘንግተህ የደከመበትን የፈጠረውን … ሰው ፤
በየቱም ሙያ መስክ …በምንም ሥራ ላይ
ደክመህ መመንደግ ነው … ከልብ የሚያረካው .. ስትውል ከበላይ
ጤና ተገብሮ ተስፋ ተሰንቆ ፡
በቁር በሐሩሩ …. ተጥሎ ተወድቆ፤
የጋሬጣ ፍቀት … ያደማ እሾህ ታልፎ ፡
የለማ ፍሬ ነው …ከዕድሜ ላይ ተቀርፎ ፤
ከሰው ማሣ አትጨድ !

ለውድ የኢትዮጵያውያን ኮሚዩኒቲ በሙኒክ አባላት በሙሉ !

በቅድሚያ አክብሮታዊ ስላምታችንን እናቀርባለን!

ኮሚዩኒቲያችንን ለማጠናከር በሚደረገዉ እንቅስቃሴ ውስጥ ማኀበሩ የራሱ ድህረ ገጽ (Website) እንዲኖረው ታስቦ ሶሰት አባላት ያሉበት አንድ ኮሚቴ ከኮሚዩኒቲው የሥራ አስኪያጅ ኮሚቴ በተሰጠው ኃላፊነት መሰረት ዕቅዱን ተግባራዊ ለማድረግ በትጋት በመንቀሳቅሰ ላይ ይገኛል።

ይህ አንቅስቃሴም ውጤታማ ሆኖ እነሆ ኮሚዩኒቲያችን የራሱ የሆነ ድህረ ገፅ (Website) መክፈቱን የምናበስራችሁ በታላቅ ደስታ ነው!  ወደዚህ ውጤት ልንደርስ የቻልነው ከኢትዮ ሚዪኒክ ( http://www.ethiomunchen.de ) ድህረ ገጽ አዘጋጅ በተደረገልን ትብብር በመሆኑ የኮሚኒቲያችን አባልና የኢትዮሙኒክ ድህረ ገጽ ባለቤትን አቶ ወርቅነህ ክፍሌን ላደረጉልንና ወደፊትም ለሚያደርጉት እገዛና ተሳትፎ ይህን የሥራ ኃላፊነት ተቀብሎ በሚንቀሳቀሰው ኮሚቴና በእናንተ በኮሚዩኒቲው አባላት ስም ከፍ ያለ ምስጋና እናቀርባለን።

በድህረ ገፁ ላይ ምን ተግባራዊ ሆኗል?   ምንስ ሊስተናገድ ይችላል? 

  • የማሀበሩ ታሪክ፣ መረጃዎችና የተቀነባበሩ ዝግጅቶች ይሰነዱበታል፣ ይዘገቡበታል።
  • የአባልነት ክፍያና ሌሎች ክፍያዎችን ለማድረግ የኮሚዩኒቲው የባንክ አካውንት በቀላሉ ይገኛል።
  • አባል መሆን የሚፈልጉ በሙኒክ ከተማ ነዋሪ የሆኑ ኢትዮጵያውያንና ትውልደ ኢትዮጵያውያን የተዘጋጀውን የአባልነት ቅጽ ኦንላይን (online) በመሙላት ከአመራር አካሉ ጋር በቀላሉ ግንኙነት ለመጀመር ይችላሉ።
  • አባላትና ቤተሰቦቻቸው ስለሀገራችን ስለኢትዮጵያ ታሪካዊና ወቅታዊ ሁኔታዎች እንዲሁም ሌሎች የተለያዩ ጠቃሚ መረጃዎችን በማግኘት እንዲያነቡ፣ እንዲጽፉና መሰል ተሳትፎ እንዲያደርጉ የማስቻል እቅድ ይዞ በመነሳት ተግባራዊ ተደርጓል!
  • ኮሚዩኒቲያችንን ከመሰል ማኀበራትም ሆነ ከሌላው ዓለም ጋር ለማገናኘት ድልድይ ይሆናል።

በመሰረቱ ይህ ድህረ ገፅ ሊያድግና ተጠናክሮ ሊቀጥል የሚችለው በተወስኑ ሰዎች ጥረት ብቻ ሳይሆን በዋናነት በአባላቱ ተሳትፎ ነውና ተሳትፏችሁን እንድታጎለብቱ እየጋበዝን ከዚህ በታች የተቀመጠውን ሊንክ በመጠቀም ድህረ ገፁን (Website) መጎብኘትና የተለያዩ ሕብረተሰባችንን ሊያስተምሩ፣ ሊያነቁና ሊያዝናኑ የሚችሉ ሰነጽሁፍ፣ ግጥምና ምስሎች፣ ተንቀሳቃሽ ምስሎች፣ የመሳስሉትን ከዚህ በታች ከድህረ ገጹ ጋር በተቀመጠው የኢሜል አደራሻ በመላክ መሳተፍ የምትችሉ መሆኑን በአክብሮት እንገልፃለን። 

ኢትዮጵያንና ህዝቦቿን ፈጣሪ ይባርክ!

እናመሰግናለን

ድህረ ገፃችን: http://ethiomunichcommunity.de/           

E-Mail:       info@ethiomunichcommunity.de

ማሳሰቢያ

ማሳሰቢያ
በዚህ ድህረ ገፅ (Website) ላይ የሚወጣ ማናቸውም አስተያየት፣ ጽሁፍ፣ ግጥምና ምስል የማንኛውንም የህብረተስብ ክፍልም ሆነ ግለሰብ ስብዓዊ ክብርና መብት የሚጠብቅ፣ እኩልነትን የሚቀበል በጋራ መንፈስ ላይ ተመርኩዞ የሃገርን አንድነትና ሉአላዊነት የሚድግፍ ሃሳብ ብቻ መሆን እንዳለበት ከወዲሁ ግልጽ ማድረግ እንወዳለን።

በጀርመን አገር በሙኒክ ከተማ የሚኖሩ ኢትዮጵያውያንና ትውልደኢትዮጵያዊያን በሀገራቸውየኮሮናቫይረስ ወረርሺኝን ለመከላከል እንዲቻል 8558,00€ የገንዝብ እርዳታ አደረጉ

በጀርመን አገር በሙኒክ ከተማ የሚኖሩ ኢትዮጵያውያንና ትውልደ ኢትዮጵያዊያን እንደ ሌሎች በውጭ አገር የሚኖሩ ወገኖቻቸው በኢትዮጵያ የኮረና ቫይረስ ወረርሺኝን ለመከላከል በሚደረገው ርብርብ ላይ የበኩላቸውን አስተዋፅኦ እንዲያደርጉ ከፍራንክፈርት የኢፌዲሪ ኮንሱላት ጽ/ቤት የቀረበውን የዜግነት ጥሪ መነሻ በማድረግ በየኢትዮጵያውያን ኮሚዩኒቲ በሙኒክ አስተባባሪነት ባለፉት ሳምንታት በኦን ላይን (Online) የተጀመረው የገንዘብ እርዳታ ማሰባሰብ የደረሰበትን ደረጃ በሚመለከት  የእያንዳንዱ ልገሳ ያደረጉ ወገኖችን ስምና የለገሱትን የገንዘብ መጠን የታዳጊ ወጣቶችን አስተዋፅኦ ጭምር በዝርዝር ለህብረተሰቡ ግልጽነት ባለው መንገድ በሰንጠርዥ በማቅረብ አሳውቀዋል ።
» Weiterlesen

ከመፃህፍት አለም ታላቁ ጥቁር ከተሰኘ መፅሐፍ የተወሰደ

ከዚህ ቀጥሎ በተለያዩ ክፍሎች የሚቀርቡት ጽሁፎች ከዚህ በላይ በምስል ከተቀመጠው ከለመድናቸውና ካነበብናቸው ለየት ያሉ ያልተሰሙ የአድዋ ድልና የአጤ ምኒሊክ ታሪኮችን ይዞ ለህዝብ ከቀረበው የአቶ ንጉሴ አየለ ተካ ‘ታላቁ ጥቁር ‘ የተሰኘ መፅሐፍ የተወሰዱ መሆናቸውን አስቀድመን ለመግለፅ እንወዳለን ።

ልክ በዛሬው ቀን ፌብሩዋሪ 1,1094 እኤአ

የምዕራቡ ዓለም ሪፓርተሮች ምን ዘገቡ?

ሮበርት ስኪነርና አብረውት የነበሩት ባልደረቦቹ ከኢትዮጵያ ድሬዳዋ ፣ በጂቡቲ ከዚያም በቪክቶሪያ በተሰኘች መረከብ  አድርገው. ስኪነር ከ5አመታት በላይ ወደ ሰራባት ማርሴይ (ፈረንሳይ) ሲደርስ

በፓሪስ የአሜሪካን ኤምባሲ ተወካይና  ብዙ ሌሎች ሠዎች “እንኳን ደህና መጣህ” ለማለት ተሰብስበዋል ።ከስድስት ወራት በላይ የተለያት ባለቤቱ ሄለንም ነበረች።ነገር ግን ስለኢትዮጵያና ስለ ጥቁሩ የአቢሲኒያ ንጉስ ለመስማትና ሪፖርት ለማድረግ የተሰበሰቡት  የአውሮፓና የአሜሪካን የዜና ሪፓርተሮች ቦታውን አጨናንቀውት ነበር።

ስኪነር በሪፓርተሮች ተከበበ!

» Weiterlesen

124ኛው የአድዋ ድል በዓል በሙኒክ ጀርመን በድምቀት ተከብሮ ውሏል።

ፌብሪዋሪ 22 ቀን 2020 እ/ኤ/አ በጀርመን ከተማ በሙኒክ ከተማ የሚኖሩ ኢትዮጵያውያንና ትውልደ ኢትዮጵያውያን በአንድ ላይ ተሰባስበው 124ኛውን የአድዋ ድል በአል በሙኒክ የኢትዮጵያውያን ኮሚኒዩቲ አስተባባሪነት በደመቀ ሁኔታ አክብረዋል። በበአሉ ላይ በሙኒክና አካባቢው የሚኖሩ የሚኖሩ ኢትዮጵያውያንና ትውልደ ኢትዮጵያውያን ከቤተሰቦቻቸው ጋር የተገኙ ሲሆን በተጨማሪ በጀርመን የኢፌዲሪ ኤምባሲን በመወከል በፍራንክፈርት የኢፌዲሪ ቆንስላ አምባሳደር በረደድ አንሙት በእንግድነት ተገኝተዋል። 

በአሉን በንግግር የከፈቱት በሙኒክ የኢትዮጵያውያን ኮሚዩኒቲ ሊ/መንበር ወ/ሮ ዘነብ ወርቅ አድነው ሲሆኑ በንግግራቸው የአድዋ ድል በዓል የኢትዮጵያውያን ድል ብቻ ሳይሆን የመላው ጥቁር ህዝቦች በአል ሆኖ አፍሪካውያን ሁሉ የሚኮሩበት ድል ሆኖ ሳለ በእኛው በኢትዮጵያውያን የተሰጠው ትኩረት የሚገባውን ያህል አለመሆኑ በተጻራሪው ታሪክን ለማኮሰስና በሎም ለማጥፋት ለሚሰሩ የውስጥም ሆነ የውጪ ጠላቶች አመቺ ሁኔታን ፈጥሯል በማለት ገልጸዋል። ከዚህም በተጭማሪ ተተኪው ትውልድ ታሪክን በአግባቡ እንዳይረዳና እንዳይረከብ ሆኗል። ስለዚህም አሁንም አለመርፈዱንና እኛ ወላጆች ጠንክረን ከሰራን ታሪካቸውን ለመረከብ የተዘጋጁ ለጆቻችን አሉና እኛ ከኛ የሚጠበቅብንን እንስራ ሲሉ ጥሪያቸውን አቅረበዋል። » Weiterlesen

1 2